თეოლოგია

თეოლოგია - (ბერძ. „ღმერთზე საუბარი“) მოძღვრება ღვთისა და რელიგიური დოგმატების შესახებ; ეს ტერმინი აღნიშნავს სამეცნიერო- მეთოდურ განსჯას ღმერთის არსებობის შესახებ. არსებობს წარმართული და ქრისტიანული თეოლოგია. წარმართული თეოლოგია იგივე ისტორიული თეოლოგიაა. კიდევ არსებობს: სისტემური თეოლოგია, ფუნდამენტალური თეოლოგია, ზნეობრივი თეოლოგია, პრაქტიკული ანუ სამწყსო, კონტექსტური და უარყოფითი თეოლოგია.

ღვთისმეტყველება - ღმერთის არსის შესახებ რელიგიური დოგმატების ერთობლიობა, აღმსარებლობის სისტემატიზებული გადმოცემა, რომლითაც საბუთდება რწმენის ჭეშმარიტება და ადამიანისათვის მისი აუცილებლობა; განისაზღვრება რელიგიური ზნეობა, მორწმუნეთა და სამღვდელოების ცხოვრების წესები. ქრისტიანული თეოლოგიის ძირითად დებულებათა სისტემატიზატორია ნეტარი ავგუსტინე (354-430 წწ.).

წყარო

• ბარბაქაძე ლია, ჯიბის ცნობარი მართლმორწმუნე ქრისტიანისათვის. თბილის, 2013 წ.

• სამოქალაქო განათლების ლექსიკონი:

მოხელის სამაგიდო ლექსიკონი / გაეროს განვითარების პროგრამა; [შემდგ.: სამსონ ურიდია და სხვ.; რედ.: ვაჟა გურგენიძე] - თბ., 2004 - 483გვ.: ცხრ.; 24სმ. - (საჯარო მოსამსახურის ბ-კა). - ISBN 99940-0-063-2: [ფ.ა.]