ფავლენიშვილი ოტია

ფავლენიშვილი ოტია – (მე-18 ს), მოღვაწეობდა ვახტანგ VI-ის კარზე და 1724 წელს თან გაჰყვა მას რუსეთში. 1738 წელს ჩაირიცხა ქართველ ჰუსართა ასეულში. მას მიაკუთვნებენ პოემა „ვახტანგიანს“ (დაახლოებით 1727-1739), რომელიც საყურადღებო ცნობებს გვაწვდის რუსეთში ვახტანგ VI-ის გამგზავრებასა და ქართლ-კახეთის პოლიტიკურ მდგომარეობაზე. პოემა შედგება შესავლისა და 7 კარისაგან. ტექსტი გამოსცა სოლომონ ყუბანეიშვილმა 1948 წელს.

წყარო

ქართველი პოეტები (ენციკლოპედია)