ჯავახიშვილი ეკა

ეკა ჯავახიშვილი

ჯავახიშვილი ეკა − (1976), პოეტი, დაიბადა დედოფლისწყაროში; 1993 წელს დაამთავრა სოფელ არბოშიკის საშუალო სკოლა. 1993-98 წლებში სწავლობდა სანქტ-პეტერბურგის უნივერსიტეტში ფილოლოგიის ფაკულტეტზე (ინგლისური ენა და ლიტერატურა). 2009 წლიდან არის დედოფლისწყაროს მწერალთა გაერთიანება „ფიროსმანის” წევრი. გამოცემული აქვს ორი პოეტური კრებული: „სიყვარულის ქარცეცხლი” და „თითქოს უშენოდ არ მიცხოვრია”. ამჟამად ცხოვრობს საბერძნეთში.

* * *

ხან ჩაიქირქილა ქარმა, ხან იცინა,

პასუხიც ვერ გამცა, „ხო”-ცა და „არა”-ცო

და მერე გვირილამ გამანდო, იცი, რა? −

ნუ დარდობ, უყვარხარ, ძალიან თანაცო.

საწვიმარ ღრუბლებს ცა თვალებში მისხამდა

და უცებ გვირილამ ღიმილით ამავსო,

სიყვარულს გული გრძნობს, მიენდე მის ხმას და

რას უსმენ ნეტავი ქარს, ჭორიკანასო?!

წყარო

ქართველი პოეტები (ენციკლოპედია)