დაციტი

დაციტი − (ინგლ. dacite < ლათ. Dacia რომაული პროვინცია დაკია), –

1. კვარცული ანდეზიტი;
2. მაგმური ქანი, გრანოდიორიტებისა და კვარციანი დიორიტების ეფუზიური კაინოტიპური ანალოგი. შედგება წვრილმარცვლოვანი ან მინისებრი ძირითადი მასისა და პლაგიოკლაზის, კვარცის, იშვიათად ბიოტიტის, რქატყუარის, პიროქსენის პორფირული გამონაყოფებისაგან. ხშირად ასოცირდება ანდეზიტებსა და ტრაქიტებთან. ფართოდაა გავრცელებული სამხრეთ-აღმოსავლეთ საქართველოში. ძირითადად გამოიყენება მშრალი სამშენებლო ნარევების მოსამზადებლად.

წყარო

სამშენებლო ენციკლოპედიური ლექსიკონი