მეკობრეობა
NPLG Wiki Dictionaries გვერდიდან
მეკობრეობა (ბერძნული peirates – მძარცველი, ყაჩაღი) – სავაჭრო და სხვა სამოქალაქო გემების და საფრენი აპარატების უკანონო ხელში ჩაგდება, ძარცვა ან ჩაძირვა, რასაც ღია ზღვაში ახორციელებენ კერძო მფლობელობაში შემავალი ან სახელმწიფო ხომალდები (საფრენი აპარატები); საერთაშორისო ხასიათის დანაშაული, საზღვაო ყაჩაღობა. მეკობრეობა უტოლდებოდა ომის დროს მეომარი მხარეების სამხედრო ხომალდების და საფრენი აპარატების თავდასხმას ნეიტრალური ქვეყნების სავაჭრო გემებსა და საფრენ აპარატებზე. მეკობრეობის წინააღმდეგ ბრძოლის საერთაშორისო სამართლის ნორმებს შეიცავს გაეროს 1982 წლის კონვენცია საზღვაო სამართლის შესახებ.
