გალი-კურჩი ამელიტა

ამელიტა გალი-კურჩი

გალი-კურჩი ამელიტა - Galli Curci, (18. XI. 1889, მილანი, – 26. XI. 1963, ლაჰოლია, კალიფორნია), იტალიელი მომღერალი (კოლორატურული სოპრანო).

1903 დაამთავრა მილანის კონსერვატორიის ფორტეპიანოს კლასი. პ. მასკანის რჩევით დამოუკიდებლად დაიწყო სიმღერის შესწავლა. 1906-30 გამოდიოდა იტალიისა და სხვა ქვეყნების საოპერო სცენაზე (1916-იდან აშშ-ში ცხოვრობდა), 1930-38 ძირითადად მღეროდა კონცერტებში. მე-20 ს-ის I ნახევრის ერთ-ერთი უდიდესი მომღერალია. სახელი გაითქვა ჯ. როსინის, გ. დონიცეტის, ჯ. ვერდის, შ. გუნოს ოპერებში მონაწილეობით.

წყარო

მუსიკის ენციკლოპედიური ლექსიკონი / [შემდგ.: ანზორ თამარაშვილი; მთ. რედ.: გულბათ ტორაძე]. [ახალციხე: თბილ. უნ-ტის მესხეთის ფილიალის გამ-ბა], 2005 (ა.ო. "პროგრესი")