ენტომოლოგია
NPLG Wiki Dictionaries გვერდიდან
20:31, 28 თებერვალი 2023-ის ვერსია, შეტანილი Tkenchoshvili (განხილვა | წვლილი)-ის მიერ
ენტომოლოგია − (entomologia; ბერძნ. entomon მწერი + logos სწავლება) – მეცნიერება, რომელიც შეისწავლის მწერებს.
ბუნებაში მწერების ერთ მილიონზე მეტი სახეობაა. მრავალი მათგანი სასარგებლოა. ისინი ახდენენ ყვავილოვანი მცენარეების დამტვერვას, მონაწილეობენ ნიადაგწარმოქმნის პროცესში, საკვებად იყენებენ მკვდარი ორგანიზმის ორგანულ ნარჩენებს, რის შედეგად ასრულებენ სანიტარიულ ფუნქციებს, არიან მრავალი ხერხემლიანი ცხოველის კვების წყარო. ამასთან, მწერების მრავალი სახეობა სერიოზულ ზიანს აყენებს მეცხოველეობისა და მემცენარეობის დარგებს, ასევე, – ადამიანს.
სავეტერინარო ენტომოლოგია შეისწავლის მავნებელ მწერებს, რომლებიც იწვევენ ცხოველების დაავადებებს ან არიან სხვადასხვა ინფექციურ და ინვაზიურ დაავადებათა აღმძვრელების გადამტანები.
