დეკადანსი
NPLG Wiki Dictionaries გვერდიდან
01:34, 9 მარტი 2023-ის ვერსია, შეტანილი Tkenchoshvili (განხილვა | წვლილი)-ის მიერ
დეკადანსი (ლათ. decadentia – დაკნინება), მსოფლაღქმის სტილი და ტენდენცია ხელოვნებაში. წარმოიშვა მე-19-20 საუკუნის მიჯნაზე. გამოირჩეოდა ნიჰილიზმით როგორც წარსულის, ისე მომავლის მიმართ. დეკადანსს ახასიათებდა ინდივიდუალისტური ბუნტი, პესიმიზმი, სრული ურწმუნეობა ტრადიციული ფასეულობებისადმი, სრული უიმედობა. დეკადენტები თეატრშიც უარყოფდნენ მხატვრული კანონების არსებობას, ავლენდნენ აგრესიას მაყურებლის მიმართ. მე-20 ს. 10-იან წწ. დეკადანსი შეერწყა სხვადასხვა მოდერნისტულ მიმდინარეობებს.
