ნემატოდირელა

ნემატოდირელა – (Nematodirella; ბერძნ. nema, nematos ძაფი + ლათ. dirus საშინელი), ნემატოდების გვარი; მიეკუთვნება Trichostrongylidae-ს ოჯახს, Strongylata-ს ქვერაზმს.

Nematodirella longissimespiculata (ლათ. longissimus ყველაზე გრძელი + სპიკულა) – სახეობა, პარაზიტობს მსხვილფეხა და წვრილფეხა მცოხნელი პირუტყვის, ირმების, აქლემის, გარეული მცოხნელების წვრილ ნაწლავებში. ამ ოჯახის სხვა ჰელმინთებთან ერთად არის მცოხნელების ტრიქოსტრონგილიდოზების აღმძვრელი.

წყარო

სავეტერინარო პარაზიტოლოგიის ტერმინთა ლექსიკონი