ცრემლიანი კომედია
NPLG Wiki Dictionaries გვერდიდან
13:04, 17 მაისი 2023-ის ვერსია, შეტანილი Tkenchoshvili (განხილვა | წვლილი)-ის მიერ
ცრემლიანი კომედია — მე-18 საუკუნის დასაწყისში ევროპის დრამატულ თეატრში აღმოცენებული ჟანრი, განკუთვნილი ე.წ. მესამე ფენის (ბურჟუაზია) მაყურებლისათვის.
„ცრემლიან კომედიას“ ახასიათებდა დიდაქტიკური ტენდენციები, კომედიურ საწყისს ჩაენაცვლა გულის ამაჩუყებელი სიტუაციები, სენტიმენტალურ-პათეტიკური სცენები. „ცრემლიანი კომედია“ ილტვოდა არა იმდენად ადამიანთა ნაკლის მხილებისაკენ, რამდენადაც სიკეთის ძალის ჩვენებისაკენ.
