ხუაგუ

ხუაგუ – (სიტყვასიტყვით – „ფერადი დოლი”), თეატრალური წარმოდგენა სამხრეთ და ცენტრალურ ჩინეთში, ერთ-ერთი სასიმღერო-საცეკვაო თვითმოქმედი ფორმა, გავრცელებული სოფლებში. მის საფუძველზე მე-14 საუკუნის შუახანს ჩამოყალიბდა ხალხური თეატრალური წარმოდგენა „ხუაგუ სი“ (ფერადი დოლების თამაში, ან ფერადი დოლების თეატრი). ამ ჟანრში შემდგომ მონაწილეობდნენ პროფესიონალი მსახიობები და იგი იქცა ტრადიციული თეატრი სიციუის ერთ-ერთ ფორმად. „ხუაგუ სის“ სპექტაკლები შედგება მინიატიურებისაგან, რომელშიც შედის კუპლეტები და პატარა სცენები ყოფით, ზოგჯერ კი სატირულ თემებზე. მინიატიურები აგებულია ფოლკლორულ მელოდიებზე და მარტივ საცეკვაო მოძრაობებზე. მასში მონაწილეობს 3-4 ადამიანი. მამაკაცები უკრავენ გონგზე, – ქალები ფერად დოლებზე.

წყარო

მსოფლიო თეატრის ენციკლოპედიური ლექსიკონი