ლიმურყვამალი

ლიმურყვამალი („კოშკობა“) – ძველი წარმართული დღესასწაული ლაშხეთმი (ქვემო სვანეთი) აღწერილი არსენ ონიანის მიერ. მისი ცნობის თანახმად, ზემო და ქვემო ლაშხელები შეიყრებოდნენ სოფ. ჟახუნდერში, ააგებდნენ თოვლის კოშკს, დაარჭობდნენ ზედ დროშას, შემდეგ აირჩევდნენ თითო მეთაურს – „კესარს“ – და ერთმანეთს დააჭიდებდნენ. რა მხარესაც დამარცხებული კესარი დაეცემოდა, კოშკსაც იმ მიმართულებით წააქცევდნენ და ამით მომავალი მოსავლის მოსალოდნელ სიუხვეს არკვევდნენ. ამას ეწოდებოდა „კესრობა“. შემდეგ იმართებოდა ჭიდაობა, ცეკვა-თამაშები. სრულდებოდა საწესჩვეულებო საფერხისო სიმღერები (ადრეკილაი, კვირია და სხვ.).

დ. წერედიანი

ლიტერატურა

• არს. ონიანი, ლუშნუ ამბეარ, 1917;
• ივ. ჯავახიშვილი, ქართველი ერის ისტორია, I, 1960.

წყარო

ქართული ფოლკლორის ლექსიკონი: ნაწილი I