მუშაითი

მუშაითი – აკრობატი, ჟონგლიორი საცირკო ხელოვნების წარმომადგენელი. მუშაითი მნიშვნელოვან როლს თამაშობდა ხალხურ სანახაობებში. ძველი ისტორიკოსი აღნიშნავს, რომ თამარის ქორწინების დროს „იყო ზმა მგოსანთა და მუშაითთა სახიობათა მჭგრეტელობანიო"“, მუშაითები მოხსენებულნი არიან ვეფხისტყაოსანშიც.

• ესე თქვა და სიხარულით თამაშობა ადიადა,
• მგოსანი და მუშაითნი უხმეს, ჰპოვეს რაცა სადა.

ჯ. ბარდაველიძე

ლიტერატურა

• დ. ჯანელიძე, ქართული თეატრის ხალხური საწყისები, თბილისი, 1948.

წყარო

მსოფლიო თეატრის ენციკლოპედიური ლექსიკონი