ბასილაია ნიკანდრო

ნიკანდრო ბასილაია – (14. VI. 1906, სოხუმი, – 15. VIII, 1986, იქვე), ენათმეცნიერი. ფილოლოგიურ მეცნიერებათა კანდიდატი, დოცენტი.

1924 დაამთავრა თსუ ფილოლოგიური ფაკულტეტი. იმავე წელს დაიწყო მუშაობა ქართული ენისა და ლიტერატურის მასწავლებლად. სოხუმის სახელმწიფო პედაგოგიურ ინსტიტუტის დაარსებიდან 1969-მდე ხელმძღვანელობდა ქართული ენისა და ლიტერატურის კათედრას, ხოლო მისი გაყოფის შემდეგ სამი წელი ქართული ენის კათედრას ედგა სათავეში. 1940-47 იყო სოხუმის პედაგოგიური ინსტიტუტის დირექტორის მოადგილე სასწავლო-სამეცნიერო დარგში.

ბასილაია ავტორია მრავალი ნაშრომისა, მათ შორის 11 წიგნისა, რომელთაგან აღსანიშნავია „ქართული ლიტერატურა“ (სახელმძღვანელოები არაქართული სკოლების VII-IX კლასებისათვის), სოხუმი, I945-46 და სხვ.

წყარო

ქართული ენა: ენციკლოპედია