დადეში (სოფელი)

დადეში – სოფელი ახალქალაქის მუნიციპალიტეტში, სულდის საკრებულოში, ახალქალაქის პლატოზე, მდინარე მუჯახეთისწყლის (ფარავნის მარცხენა შენაკადი) მარცხენა მხარეს, ზღვის დონიდან 1800მ სიმაღლეზე, ქ. ახალქალაქიდან 23 კმ მანძილზე. საქართველოს მთავრობის 2015 წლის N 671 დადგენილების მიხედვით შესულია მაღალმთიან დასახლებათა ნუსხაში. მოსახლეობის რიცხოვნობა – 902. მათი უმრავლესობა (98 %) სომეხია (2002). სოფლის ტერიტორია დასახლებულია წინაფეოდალური ხანიდან. ახლანდელი მოსახლეობა სომხურია. მათი წინაპრები აქ XIX საუკუნეში დასახლდნენ. დადეშის მიდამოებში მდებარეობს განვითარებულ შუა საუკუნეებში აგებული ეკლესია.

წყარო

სამცხე-ჯავახეთი: ცნობარი