იშხვარი
NPLG Wiki Dictionaries გვერდიდან
20:50, 7 მაისი 2024-ის ვერსია, შეტანილი Tkenchoshvili (განხილვა | წვლილი)-ის მიერ
იშხვარი, შავი ყარყატი (Ciconia nigra) – ფრინველი ყარყატისებრთა ოჯახიდან. გავრცელებულია ევრაზიის ტყის ზონებში, საქართველოში გვხვდება ბორჯომ-ბაკურიანის მიდამოებში, კარწახის, მადათაფისა და ფარავნის ტბების სიახლოვეს. ბუდობს ხეებზე, ტყეებში, კლდეებზე, ჭაობებისა და ტბების პირას. იშვიათი ფრინველია, რომლის რიცხოვნობა მკვეთრად მცირდება. საქართველოს წითელ წიგნში შეტანილია როგორც გამქრალი ან მიუვალ ადგილებში შემორჩენილი სახეობა.