კაპრიჩიო

კაპრიჩიო - (იტალ. capriccio, სიტყვასიტყვით ჭირვეულობა; ჟინიანობა), ცვალებადი ხასიათისა და თავისუფალი ფორმის ბრწყინვალე, ვირტუოზული საკრავიერი პიესა. კაპრიჩო ჰგავს ეტიუდს (ნ. პაგანინის 24 კ. სოლო ვიოლინოსათვის), კლავირისა და საფორტეპიანო კ. სახასიათო პიესას. XIX ს-ში შეიქმნა საორკესტრო კაპრიჩო მკაფიოდ გამოხატული ეროვნულ მუსიკის ელფერით (ჩაიკოვსკის „იტალიური კაპრიჩო“, რიმსკი-კორსაკოვის „ესპანური კაპრიჩო“ და სხვ.).

წყარო

მუსიკის ენციკლოპედიური ლექსიკონი / [შემდგ.: ანზორ თამარაშვილი; მთ. რედ.: გულბათ ტორაძე]. [ახალციხე: თბილ. უნ-ტის მესხეთის ფილიალის გამ-ბა], 2005 (ა.ო. "პროგრესი")