ლადოგური სიგი

ლადოგური სიგი

ლადოგური სიგი – (Coragonus lavaretus baeri natio ladogae Pravdin), თევზი ორაგულისებრთა ოჯახისა, რომელიც აკლიმატიზებულია 1930 წელს მაშინდელი ლენინგრადის ოლქის ვოლხოვის თევზსაშენიდან ტაბაწყურის ტბაში. თევზის სიგრძეა 43–55 სმ, საშუალოდ დაახლოებით 50 სმ, საშუალო წონა 0,5–1 კგ, თუმცა გვხვდება ეგზემპლარები წონით 2–3,2 კგ. ქვირითის დასაყრელად მდინარეებში ადის. მას დიდი სარეწაო მნიშვნელობა ჰქონდა. ყოველწლიურად იჭერდნენ 80-100 ცენტნერამდე.