საფარულა

საფარულა, საფარეული – თეთრყურძნიანი ვაზის ჯიში, დიდმტევნიანი, კნატუნა ყურძენი, სუფრის. ფოთოლი დიდი ზომისაა: 14X23 სმ, სქელი და მუქი მწვანე, ქვედა მხარე შებუსულია თეთრად. მტევანი დიდი ზომისაა: 20X8 სმ, საშუალო წონა – 258 გრ, კონუსური ფორმის. მარცვალი მწვანე ფერისაა, საშუალო ზომის – 1.8X1,7 სმ მომრგვალო ფორმის, სქელკანიანი და კნატუნა. ყურძნის წვენის შაქრიანობაა 16.5 %, მჟავიანობა – 11.11 გრ/ლ. მოსავლიანობაა 10-15 კგ ძირზე (მაღლარი). სოკოვანი დაავადებების მიმართ მდგრადია, ყინვაგამძლეა. იზრდება ჰიფსომეტრიულად მაღალ ადგილებში. პირველად საფარის მიდამოებში იქნა მიკვლეული და ამიტომ ეწოდა ეს სახელი. მოგვიანებით იგი მიაკვლიეს აგარისა და აწყურის მიდამოებშიც.