პრაღის კონგრესი 1813

პრაღის კონგრესი 1813 – რუსეთ-პრუსიის სამშვიდობო მოლაპარაკებები საფრანგეთთან ავსტრიის შუამავლობით. მიმდინარეობდა პრაღაში (12 ივლისი – 10 აგვისტო). კონგრესის უშუალო ინიციატორი მეტერნიხი ცდილობდა ნაპოლეონის დარწმუნებას, გაეყვანა საფრანგეთის ჯარები ევროპის სახელმწიფოებიდან, რათა შეენარჩუნებინა საფრანგეთის მთლიანობა. თვით, კი იმედოვნებდა, ხელთ ეგდო ევროპული პოლიტიკის არბიტრის ფუნქციები. 7. VIII ნაპოლეონ I დათანხმდა მეტერნიხის ულტიმატუმის მხოლოდ მცირე ნაწილს (კერძოდ, ვარშავის საჰერცოგოს ლიკვიდაცია და ავსტრია-რუსეთ-პრუსიას შორის განაწილება, ილირიის გადაცემა ავსტრიისათვის, ესპანეთის დამოუკიდებლობის აღდგენა). ამას მოჰყვა VI ანტიფრანგული კოალიციის წარმოქმნა ავსტრიის მონაწილეობით.

წყარო

• ქართული დიპლომატიური ლექსიკონი