ტიერი ადოლფ
ადოლფ ტიერი – (1797-1877), ფრანგი სახელწიფო მოღვაწე და დიპლომატი.
1830-40 – საფრანგეთის სახელმწიფო საბჭოს წევრი; 1830-31 – საფრანგეთის ფინანსთა მისისტრის ამხანაგი; 1832 და 1834-27 – შინაგან საქმეთა მინისტრი; 1833-34 – ვაჭრობისა და საზოგადოებრივ სამუშაოთა მინისტრი; 1836 წლის თებერვალ-აგვისტოში და 1840 წლის მარტ-ოქტომებერში – მთავრობის მეთაური და იმავდროულად საგარეო საქმეთა მინისტრი.
ეგვიპტის კრიზისის (1839-41) შედეგად საფრანგეთმა განიცადა დიდი საგარეო-პოლიტიკური მარცხი აღმოსავლეთის საკითხში. რის გამოც 1840 გადადგა. 1870 „ეროვნული თავდაცვის“ მთავრობამ მიავლინა რუსეთში, დიდ ბრიტანეთში, ავსტრია-უნგრეთსა და იტალიაში, რათა მხარი დაეჭირათ საფრანგეთისათვის პრუსიასთან ომში, მაგრამ წარმატებას ვერ მიაღწია. შემდეგ მოლაპარაკებას აწარმოებდა ო. ბისმარკთან, რომლის დროსაც მომზადდა 1871 წლის იანვარში საფრანგეთის კაპიტულაციის პირობები. 1871 – აღმასრულებელი ხელისუფლების მეთაური, ხელი მოაწერა საფრანგეთისათვის დამამცირებელ პრელიმინარულ ზავს პრუსიასთან (1871 წლის თებერვალი). 1871 წლის მარტში პარიზის კომუნის გამოცხადების შემდეგ გაიქცა ვერსალში. პრუსიის მხარდაჭერით სასტიკად ჩაახშო კომუნა და პრუსიასთან ხელი მოაწერა ფრანკფურტის საზავო ხელშეკრულებას 1871. 1871-73 – საფრანგეთის პრეზიდენტი.
