სააკაძე იორამ

იორამ სააკაძე – (გ. 1669), გიორგი სააკაძის მესამე ვაჟი. ბაზალეთის ომის შემდეგ მასთან ერთად ოსმალეთში გადაიხვეწა. სამშობლოში დაბრუნდა XVII საუკუნის 30-იანი წლების ბოლოს. ერთხანს ცხოვრობდა იმერეთში. ქართლში დაბრუნდა როსტომ I-ის მოწვევით. როსტომმა იორამს დაუბრუნა მამის სამფლობელო და თარხნობა უბოძა, აქტიურად თანამშრომლობდა ვახტანგ V-თანაც. 1663 ვახტანგმა იორამი დიპლომატიური მისიით გაგზავნა იმერეთში, სადაც მან ხელი შეუწყო ბაგრატ IV-ის გამეფებას. გარდაიცვალა იმერეთში.

წყარო

• ქართული დიპლომატიური ლექსიკონი