თოტმესი

თოტმესი – (ეგვ. Dhwtj ns – „თოტის შობილი“), XVIII დინასტიის ოთხი ფარაონის სახელი. პირველივე თოტმესის მეფობით იწყება ეგვიპტის სამხედრო ბრწყინვალების, ტერიტორიული ექსპანსიის და უდიდესი მატერიალური კეთილდღეობის ხანა. მისი და მისი მემკვიდრეების – ე.წ. თოტმესიდების დროს დინასტიის პირველი ორი ფარაონის მონაპოვარი კიდევ უფრო იზრდება ბრწყინვალე სამხედრო გამარჯვებებით, რასაც ხელი შეუწყო თავისი დროის ყველაზე მძლავრმა და მოძრავმა არმიამ და ფარაონებმა, რომლებიც ახალი ტრადიციის თანახმად ბავშვობიდან იყვნენ გაწვრთნილი სამხედრო საქმეში.

1. თოტმეს I
2. თოტმეს II
3. თოტმეს III
4. თოტმეს IV