არენსნუპისი
NPLG Wiki Dictionaries გვერდიდან
15:26, 28 ოქტომბერი 2024-ის ვერსია, შეტანილი Tkenchoshvili (განხილვა | წვლილი)-ის მიერ
არენსნუპისი – (ეგვ. Irj-hms-nfr – „მშვენიერი მეგობრის“ ბერძნული ფორმა). ანთროპომორფული ნუბიური ღვთაება ბუმბულებიანი გვირგვინით. ჩნდება ეგვიპტის სამხრეთ ტაძრებში მეროეს ცივილიზაციის ჩამოყალიბების თანადროულად. პტოლემაიოს IV ფილოპატორმა და მეროეს მეფემ, არკამანიმ (ერგამენეს II) ფილეზე კიოსკი აუგეს (დაახლ. 220 წ. ჩვ.წ.-მდე). მისი ეგვიპტური სახელი არაფრის მთქმელია, გარდა იმისა, რომ ალბათ „კეთილი“ ღვთაება იყო. ეძახდნენ ასევე „ნუბიიდან მოსულს“, „ლომს, ძლიერს ფეხებით“ (ხანდახან მას ლომის სახეც ჰქონდა) ან „მშვენიერ მონადირეს, პუნტის ბატონს“. აღიქმებოდა ასევე, როგორც ნუბიური ღვთაების, დედუნის ერთ-ერთი ფორმა.
