ტაკუკი

ტაკუკი - მომცრო ზომის ძვირფასი ლითონის ჭურჭელი, რომლითაც აგროვებდნენ ციურ მანანას ებრაელები 40 წლის განმავლობაში უდაბნოში მოგზაურობის დროს. ციური მანანა ტაკუკით იყო შენახული აღთქმის კიდობანში (აღთქმის კიდობნის შესახებ იხ. ასო-ბგერა „ა“-ზე.) ტაკუკი ძველი სჯულის დროსაც გამოიყენებოდა, ხოლო მოციქულები მას ღვთისმსახურებისას ღვინისა და წყლის გასაზავებლად იყენებდნენ. ამიტომ ეკლესიაში წირვისას ბარძიმში ღვინოსა და წყალს ტაკუკით განაზავებდნენ და მდუღარების მოსატანად ხმარობდნენ. იგი გამოიყენებოდა წმინდა ნაწილების ნაბანთა და ნაკურთხი ღვინის დასალევად. (ტაკუკი დღესაც იგივე ფუნქციას ასრულებს, რასაც - მოციქულობის დროს.)

(16, 33 გამოსლ.) მომცრო ჭურჭელი საღვინე ZA. მომცრო ჭურჭელი B. ალაბასტრი, მცირე ჭურჭელი(ა) C. ალაბასტრი D. განუმარტავია E.

წყარო

• ბარბაქაძე ლია. ჯიბის ცნობარი მართლმორწმუნე ქრისტიანისათვის; თბილისი, 2013 წ.
• ლექსიკონი ქართული