ალმანახი

ალმანახი – (არაბ. კალენდარი, დრო, ზომა) — სხვადასხვა ავტორთა ლიტერატურული ნაწარმოებების კრებული. ალმანახში წარმოდგენილი ნაწარმოებები ან ავტორები გაერთიანებულნი არიან რაიმე საერთო ნიშნით.

ძველ დროში, განსაკუთრებით XIV - XV საუკუნეებში, ალმანახად იწოდებოდა კალენდრები, რომლებსაც ერთვოდა ასტრონომიული ცნობები. უფრო გვიან გასართობები, ლექსები და სხვ.

პირველი ლიტერატურული ალმანახი გამოვიდა საფრანგეთში 1764 წ. „მუზების ალმანახის“ სახელწოდებით, რუსეთში ალმანახი გაჩნდა XVIII ს. ბოლოს.

საქართველოში პირველი ალმანახი 1864 წ. გამოვიდა· ეს იყო კირილე ლორთქიფანიძის მიერ შედგენილი და პეტერბურგში დასტამბული „ჩანგური“.

ჩვენს დროში ხშირად გამოდის ლიტერატურულ-სამხატვრო ალმანახები. მაგ.: „ქართველ მწერალ ქალთა ალმანახი”, „ახალგაზრდა მწერალთა ნაწარმოებების ალმანახი“ და სხვ.

წყარო

ლიტერატურის თეორიის მცირე ლექსიკონი