ნარკვევი

ნარკვევი – დოკუმენტური თხრობითი ჟანრი, პროზაული ნაწარმოები; ახასიათებს გარკვეული (კერძო) ადამიანისა და მოვლენის წარმოსახვა მხატვრული დოკუმენტურობით. ამიტომ ნარკვევისთვის არ არის ნიშანდობლივი მხატვრული შეთხზვა, გამოგონება, გარდასახვა. აქ მხატვრული განზოგადება მოცემული ფაქტების სფეროს არ შორდება, რის გამო იგი არსებითად ისაზღვრება სინამდვილის ისეთი ფაქტების, მოვლენების შერჩევითა და წარმოსახვით, რომლებიც ნიმუშის ხასიათს ატარებენ, ანდა ყველაზე მეტად გამოხატავენ სინამდვილის ტენდენციებს, ნიშანდობლივ მხარეებს.

ნარკვევი აქტიურ თემატიკას ასახავს და განსაკუთრებული სიმკვეთრით ავლენს ავტორის იდეურ პოზიციას. ამ მხრივ იგი რამდენადმე პუბლიცისტური პათოსითაც ხასიათდება.

წყარო

ლიტერატურის თეორიის მცირე ლექსიკონი‏‎