ომონიმი
NPLG Wiki Dictionaries გვერდიდან
15:58, 28 ივლისი 2025-ის ვერსია, შეტანილი Tkenchoshvili (განხილვა | წვლილი)-ის მიერ
ომონიმი – (ბერძნ. ὁμός — ერთნაირი ὄνυμα –სახელი), სინონიმის საპირისპირო მოვლენა: შინაარსით განსხვავებული, მაგრამ ბგერითი ფორმით ერთნაირი სიტყვები. მაგალითად: ხელი –ადამიანის სხეულის ნაწილი და ხელი – გიჟი.
ი. ჭავჭავაძე ლექსს „პასუხის პასუხი“ ასეთი ომონიმით იწყებს:
- ჩვენ უჩინონი.
- ჩვენ უჩინონი.
პირველი უჩინონი ნიშნავს გამოუჩინებელთ (აუღიარებელთ, უცნობთ), მეორე – ჩინის არ მქონეთ.
ომონიმებს ხშირად იყენებენ რითმებად. ამ მხრივ განსაკუთრებით მდიდარი ტრადიცია აქვს ქართულ ლექსს. ომონიმურ რითმებს ქართულ ლექსში მაჯამა ეწოდება.
ომონიმი, როგორც სიტყვათა თავისებური თამაში, ლექსის ბგერითი ორგანიზაციის ერთ-ერთ სახეობასა და ტროპულ ხერხს წარმოადგენს.
