რიტორული მიმართვა

რიტორული მიმართვა – პოეტური ფიგურის სახეობა, რომელშიაც ყურადღება გადატანილია მიმართვის ობიექტზე. მიმართვის საგანი შეიძლება იყოს როგორც კონკრეტული, ისე განყენებული საგნები და მოვლენები. მაგალითად:

სიყვარულო, ძალსა შენსა ვინ არს რომე არ ჰმონებდეს!

(ალ. ჭავჭავაძე)

ხალხნო და ჯამაათნო!

(ალ. ყაზბეგი)

ჰოი, მთაწმიდავ, მთაო წმიდავ, ადგილნი შენნი…

(ნ. ბარათაშვილი)

რიტორული მიმართვა უშუალო მოპასუხეს არ გულისხმობს.

წყარო

ლიტერატურის თეორიის მცირე ლექსიკონი