ტრიოლეტი

ტრიოლეტი – რვატაეპიანი ლექსი რომელშიც პირველი ტაეპი მეოთხე და მეშვიდე ტაეპადაც მეორდება ხოლო მეორე ტაეპი – მერვედ. რითმული წყობა კი ამგვარია: abaaabab.

მაგალითად:

ვარ მოწყენილი, ვით ზამთარში ნაზი ბეღურა...

ვით შემოდგომის ღამეებში თეთრი ვერსალი,

შენ სილამაზეს ჩემი ტრფობა ესაფეხურა.

ვარ მოწყენილი, ვით ზამთარში ნაზი ბეღურა.

მე განშორების ცივი თოვლი დიდხანს მეხურა.

ვტიროდი ხარბად – მარტოობით ნაალერსალი,

ვარ მოწყენილი, ვით ზამთარში ნაზი ბეღურა,

ვით შემოდგომის ღამეებში თეთრი ვერსალი.

(ვ. გაფრინდაშვილი)

წყარო

ლიტერატურის თეორიის მცირე ლექსიკონი