კახიძე ნათელა

ნათელა კახიძე – ქართველი მწერალი, საზოგადო მოღვაწე. დაიბადა 1963 წლის 21 ოქტომბერს, ხელვაჩაურის რაიონის სოფელ ზედა ჩხუტუნეთში.

1980 წელს დაამთავრა ჩხუტუნეთის საშუალო სკოლა, 1982 წელს – 76-ე პროფტექნიკური სასწავლებელი (წარჩინებით) „მეაპარატე-სტერილიზატორის“ სპეციალობით, 1999 წელს შოთა რუსთაველის სახელობის სახელმწიფო უნივერსიტეტი (ქართული ენისა და ლიტერატურის სპეციალობით).

მწერლის პირველი ნოველა („თეონა და ნიკა") 1983 წელს დაიბეჭდა ჟურნალ „ჭოროხში"; ავტორია ნოველების კრებულებისა: „მოლოდინი“ (1992), „იდილია“ (1998), „შადა“ (2001), „შხუნა“ (2004), „მე შენ მიყვარხარ“ (2014), „დახეული ბარათები“ (2015).

მონოგრაფიებისა: „ხევისბერი“ (მაჭახლის ხეობის ბერმუხის სულხან კახიძის ცხოვრებისა და მოღვაწეობის შესახებ), „მკურნალი ლივანის ხეობიდან“ (მარადიდელი ექიმის როლანდ დიდმანიძის ცხოვრებისა და მოღვაწეობის შესახებ). რედაქტორია არაერთი წიგნისა.

1983-1991 წლებში მუშაობდა ხელვაჩაურის რაიონის არასაუწყებო ორგანიზაციაში. 1992 წლიდან ჩხუტუნეთის საშუალო სკოლის ქართული ენისა და ლიტერატურის მასწავლებელია. 2010 წლის 25 მარტიდან საქართველოს მწერალთა შემოქმედებითი კავშირის წევრია.

წყარო

აჭარაში მოღვაწე თანამედროვე ქართველი მწერლები