ქინძმარაულის ქუჩა

ქინძმარაულის ქუჩა – ქუჩა თბილისში, ისანი-სამგორის რაიონი (ზემო მეტალურგების დასახლება); პეტრე და იოსებ ოცხელების ქუჩიდან გარდაბნის გზატკეცილამდე. წარმოიქმნა XX საუკუნის 40-იან წლებში. 1967 წელს ქუჩის ერთ მონაკვეთს დაერქვა კაიროს ქუჩა. 1996 წელს კი გ. ლორთქიფანიძის სახელი დაერქვა. ქუჩაზეა თბილისის გრეხილი ავეჯის კომბინატის ბაზაზე შექმნილი სააქციო საზოგადოება „საკარცხული“.