ალექსანდრე ყაზბეგის გამზირი
ალექსანდრე ყაზბეგის გამზირი − გამზირი თბილისში. ვაკე-საბურთალოს რაიონი (საბურთალო); პეკინის გამზირიდან პეტრე ქავთარაძის ქუჩამდე. წარმოიქმნა XX საუკუნის 40-იან წლებში, 1941 წელს დაერქვა ი. პავლოვის. 1990 წელს – ალექსანდრე ყაზბეგის სახელი. ალექსანდრე ყაზბეგის ვაჟა-ფშაველას გამზირთან ერთად წარმოადგენს საბურთალოს ცენტრალურ მაგისტრალს. მისი განაშენიანება დაიწყო 1956 წლიდან. გარდა საცხოვრებელი სახლებისა, გამზირზე განლაგებულია სასწავლო სამეცნიერო ადმინისტრაციულ, კულტურულ-საგანმანათლებლო და სხვა საზოგადოებრივი დანიშნულების შენობები. ქუჩაზეა ფ. თავაძის სახელობის მეტალურგიისა და მასალათმცოდნეობის ინსტიტუტიტი, ჰემატოლოგიისა და ტრანსფუზიოლოგიის სამეცნიერო-კვლევითი ინსტიტუტი, ინფექციური პათოლოგიის, შიდსის და კლინიკური იმუნოლოგიის სამეცნიერო-პრაქტიკული ცენტრი, ვ. ბოჭორიშვილის სახელობის სეფსისის საწინააღმდეგო ცენტრი. 2006 წლიდან ყაზბეგის გამზირზე მდებარე წითელ ბაღს მიენიჭა ვ. გოძიაშვილის სახელი.
