მანუჩაროვი პავლე

პავლე დავითის-ძე მანუჩაროვი – (25.01.1858- 1916 ), სომეხი გენერალ-მაიორი (05. 07.1910),

დაიბადა ტფილისის გუბერნიაში. მისი მეუღლე - თამარი, იყო გენერალ-მაიორ თომა ჯომარჯიძის (1838-1907) ქალიშვილი.

საერთო განათლება მიიღო ვლადიკავკაზის რეალურ სასწავლებელში.

სამხედრო სამსახურში შევიდა 1874 წელს. დაამთავრა ელისავეტგრადის კაველერიის იუნკერთა სასწავლებელი. მსახურობდა სევერსკის დრაგუნთა მე-17 პოლკში. მონაწილეობდა (1877-1878) წლების რუსეთ-თურქეთის ომში.

1909 წლის 30 მაისს მიენიჭა პოლკოვნიკის სამხედრო წოდება.

1910 წელს გადადგა სამხედრო სამსახურიდან მუნდირით და ტფილისის გუბერნიის ქვეით დრუჟინაში ჩარიცხვით.

1916 წელს, პირველი მსოფლიო ომის დროს, დააბრუნეს ჯარში.

საბრძოლო დამსახურებისათვის და სამსახურში წარჩინებისათვის დაჯილდოებული იყო რუსეთის ორდენებით.
წმ.სტანისლავის III ხარ. (1886),
წმ.ანას III ხარ.(1894) და
წმ.ვლადიმერის IV ხარ.(1908).

წყარო

სომეხი გენერლები და ადმირალები საქართველოდან