არგამაქი

არგამაქ-ი (ნოღ. Аргамак: аргы – „იმქვეყნიური“, мак/бак – „ცოდნა“, ე. ი. „იმქვეყნიური ქმნილება“) – მითიური მფრინავი ცხენი ნოღაურ მითოლოგიაში (ნოღაელებში ამავე სახელით იწოდება ცხენის ერთ-ერთი საუკეთესო ჯიში). ექვსფეხა ან რვაფეხა არგამაქს გმირი ხან ზესკნელში მიჰყავს, ხანაც – ქვესკნელში. არის პატრონის ერთგული მრჩეველი და მისი სიცოცხლის გადასარჩენად თავგანწირული.

ლიტერატურა

Капаев И. Ногайские мифы, легенды и поверья. Опыт мифологического словаря. М., 2012.

წყარო

ნუგზარ ანთელავა. კავკასიის ხალხთა მითები და რიტუალები. - გამომცემლობა „უნივერსალი“,- თბილისი2017