ფარნაჯომი

ფარნაჯომი - (იხ. მირვანოსი) ფარნაჯომი მეოთხე მეფეა ფარნვაზ მეფიდან. იგი დიდად მაშენებელი და ძლიერი მეფე იყო. მან ააშენა ქალაქი ნეკრესი, ზადენის ციხე; შექმნა კერპი ზადენი, მაგრამ ბოლოს მიიქცა ცაცხლთაყვანისმცემ ლობისაკენ, მოიყვანა სპარსეთიდან მოგვები და მცხეთაში დაასახლა.

ქართველები ყოველთვის ერთგულნი იყვნენ თავისი სარწმუნოებისა, ამჯერად კერპთაყვანისმცემლობისა, ამიტომ არ აპატიეს თავიანთ მეფეს ძველი სარწმუნოებისაგან გადახვევა და მოკლეს. მის მაგივრად გაამეფეს არშაკი, სომეხი მეფის ძე, რომელსაც ცოლად ჰყავდა მირვანოსის ასული.

V მეფე იყო არშაკი I, VI მეფე - არტაგ არშაკის ძე, VII - ბარტონ არტაგის ძე, VIII - მირვან ფარნაჯომის ძე (იგი სპარსეთში გაზარდა ფარნაჯომის მამამძუძემ (ე.ი. ძიძის ქმარმა), IX – არშაკ მირვანის ძე, X - ადერკი.

XI მეფეები იყვნენ - ბარტომ და ქართამ (ადერიკის ძენი), XII - ფარსმან და კაოს, XIII აზორკ და არმაზელი, XIV - ამზასპ და დეროკ, XV - ფარსმან-ქველი და მირდატი.

წყარო

ბარბაქაძე ლია, ჯიბის ცნობარი მართლმორწმუნე ქრისტიანისათვის. თბილისი, 2013 წ.