ეშმაკი

ადამი და ევა. ჰუგო ვან დერ გუსი.

ეშმაკი - დაცემული ანგელოზი, სატანას შავი ანგელოზი. სიტყვა „ეშმაკი“ ნიშნავს „დამბეზღებელს“. წმ. მამათა განმარტებით იმდენი ეშმაკია, რამდენიც ცოდვაა, სატანაა მათი მეთაური და მბრძანებელი. იგი მხოლოდ ერთია და „გამთიშველს“, „წინააღმდგომს“ ნიშნავს.

სილხან-საბა ორბელიანის განმარტებით: ეშმაკი დასაბამად კეთილისა არსებისაგან შექმნა უფალმან, არამედ აღზვავნა და ზვაობისაგან გარდამოცვივნეს და ბნელ იქმნეს. მთავარნი და უბოროტესი ქვესკნელად შთაიყარნეს, რომელ არს ჯოჯოხეთი, ხოლო რომელიმე ჰაერთა შინა ზე-ქვეობით იყოფებიან მგზავსად გულისთქმათა ზვაობისათა მათისა, ვითარ იყვნენ.

წყარო

• ბარბაქაძე ლია. ჯიბის ცნობარი მართლმორწმუნე ქრისტიანისათვის; თბილისი, 2013 წ.
• ორბელიანი, სულხან-საბა (1658-1725) ლექსიკონი ქართული / მოამზადა... ილია აბულაძემ ; [რედ.: ელ. მეტრეველი, ც. ქურციკიძე] ; საქ. მეცნ. აკად., ხელნაწერთა ინ-ტი. - თბ. : მერანი,1991