მაჩიტა
NPLG Wiki Dictionaries გვერდიდან
მაჩიტა - (Campanula rapunoculoides L.); ოჯახი: მაჩიტასებრნი (Campanulaceae). მრავალწლიანი ბალახოვანი მცენარეა, მოფენილია ჯაგრისებური ბეწვით. ღერო აღმავალია, მარტივი, მეჩხრად დატოტვილი, 30-100 სმ სიმაღლის. ფესვთანური და ქვედა ღეროსეული ფოთლები გულისებურ-სამკუთხა ან კვერცხისებურია. სულ ზედა ფოთლები ლანცეტაა, კიდეებზე არათანაბრად ხერხკბილა. ყვავილედი გრძელია, ცალმხრივად მტევნისებური. ყვავილები მოკლეყუნწიანია და მუქი იისფერი ან ლურჯი. ყვ. ნაყ. V-VIII. კახეთში მისი ნახვა შესაძლებელია თითქმის ყველგან. ძირითადად გავრცელებულია აღმოსავლეთ საქართველოში, დაბლობიდან სუბალპურ სარტყლამდე.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.
