ჟასმინი
NPLG Wiki Dictionaries გვერდიდან
ჟასმინი - (Jasminum fruticans L.); ოჯახი: ზეთისხილისებრნი (Oleaceae). სწორად მდგომი ბუჩქია, შიშველი, დაღარულ-წახნაგოვანი ტოტებით. ფოთლები 3-ფოთოლაკიანია. ფოთოლაკები მოგრძო-ნიჩბისებურია, კიდემთლიანი, შიშველი. გვერდითი ფოთოლაკები მჯდომარეა. ყვავილები ყვითელი ფერისაა. ტოტების კენწეროებზე განთავსებულია 1-5 ყვავილი. გვირგვინი მილად არის შეზრდილი. გადანაღუნი 5-ნაკვთიანია. ყვ. IV-VI; ნაყ. VII-VIII. მცენარე იზრდება ბუჩქნარებში, მშრალ ფერდობებზე. კახეთში მისი ნახვა შესაძლებელია თელავის მიდამოებში.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.
