მაჟალო
NPLG Wiki Dictionaries გვერდიდან
მაჟალო - (Malus orientalis Uglitzk. ex Juz.); ოჯახი: ვარდისებრნი (Rosaceae). 10-12 მ სიმაღლის ხეა, თითქმის უეკლო. ნორჩი ყლორტები შებუსულია. ფოთლები კვერცხისებური, ელიფსური ან ლანცეტაა. ფუძესთან ახლოს კიდემთლიანია, დანარჩენი ნაწილი – დაკბილული. ზედა მხარე მცირედ შებუსულია, ქვედა მხარე სქლად არის ქეჩისებურად შებუსული. ყვავილედი 4-6-ყვავილიანია. გვირგვინი თეთრია, ზოგჯერ მოვარდისფრო ელფერით. ყვ. IV;ნაყ. IX. მცენარე იზრდება დაბლობიდან შუა სარტყლამდე. ტყეებსა და ტყის პირას. კახეთში მისი ნახვა შესაძლებელია თითქმის ყველგან. გავრცელებულია მთელ საქართველოში.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.
