ომის პერიოდიზაცია

ომის პერიოდიზაცია - ომის დაყოფა ერთმანეთისგან თვისებრივად განსხვავებულ დროის მონაკვეთებად (პერიოდებად). ყოველ მათგანს ახასიათებს თავისი შინაარსი, საომარი მოქმედებების წარმოების ფორმები და დროის ჩარჩოები, რომლებიც განისაზღვრება გარდამტეხი მომენტებით - ომის დროს მისი მიზნების და ხასიათის კვალობაზე. ომის კვლევისას მათ ყოფენ პერიოდებად, კამპანიებად, ეტაპებად, ცალკეულ ლაშქრობებად. მაგალითად, პირველ მსოფლიო ომს აქვს 2 პერიოდიზაცია: 3 პერიოდი (მანევრული, პოზიციური და დამამთავრებელი); 5 კამპანია ომის თითოეული წლის მიხედვით.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით, - თბილისი, 2017.