მჟაველა
NPLG Wiki Dictionaries გვერდიდან
მჟაველა – (Oxalis corniculata L.); ოჯახი: მჟაველასებრნი (Oxalidaceae). 8-25 სმ სიმაღლის ერთ ან ორწლიანი ბალახოვანი მცენარეა. დატოტვილი, ზოგჯერ – გართხმული. ფოთლები მორიგეობით არის განლაგებული, 3-ფოთოლაკიანი, გრძელყუნწიანი. ფოთოლაკები უკუკვერცხისებურია. საყვავილე ღერო 1-3-ყვავილიანია. გვირგვინი ყვითელია. ყვ. ნაყ. IV-IX. მცენარე იზრდება გზის პირას, მშრალ ფერდობებზე, რუდერალურ ადგილებში, ნათესებში. კახეთში მისი ნახვა შესაძლებელია ყველგან. გავრცელებულია თითქმის მთელ საქართველოში.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.