სრიალა

სრიალა

სრიალა - (Rhinanthus schischkinii Vassilcz); ოჯახი: შავწამალასებრნი (Scrophulariaceae). 5-12 სმ სიმაღლის ერთწლიანი ბალახოვანი მცენარეა, მეტ-ნაკლებად შებუსული. ფოთლები მოგრძო-ლანცეტაა. თანაყვავილედი ჯამის ფოთლებზე გრძელია. გვირგვინი ყვითელია. ქვედა ტუჩი ზედასგან დაშორებულია. ზედა ტუჩის ნისკარტი იისფერია. ყვ. ნაყ. VII-VIII. მცენარე გავრცელებულია ალპურ მდელოებზე. კახეთში მისი ნახვა შესაძლებელია თუშეთის დაცულ ტერიტორიაზე: სოფლების – შენაქოსა და ომალოს – მიდამოებში. ცნობილია აფხაზეთში, სვანეთში, რაჭა-ლეჩხუმში, მთიულეთში, ფშავსა და ხევსურეთში. დიდი კავკასიონის ენდემია.

წყარო

კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.