ბლინდაჟი

ბლინდაჟი, მეორე მსოფლიო ომი

ბლინდაჟი - (ფრანგული blindage - საფრით გადახურვა), დახურული ტიპის საველე ფორტიფიკაციული ნაგებობა.

თავშესაფრისგან განსხვავებით, ვერ უზრუნველყოფს ქიმიური და ბიოლოგიური დასნებოვნებისგან დაცვას. შედგება ძირითადი ფართისგან 4-8 კაცზე, აქვს შესასვლელი კარი და მიწით არის დაფარული. შენდება ადგილობრივი ან სპეციალურად დამზადებული მასალისგან. პირველად გამოიყენეს სევასტოპოლის დაცვის (1854-55) დროს. ფართოდ იყენებდნენ I და II მსოფლიო ომებში.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით, - თბილისი, 2017.