ყარღიში

ყარღიშ-ი (ბალყ.-ყარაჩ. Къаргъыш – „წყევლა“) – დაწყევლა ან საზოგადოებისაგან დამნაშავის მოკვეთის რიტუალის ტრადიციული ნაწილი. წარმოადგენდა ბრალდებულის ან მტრის მიმართ გამოყენებულ მაგიურ საშუალებას. მაგრამ ისიც უნდა ითქვას, რომ ვისიმე დაწყევლა არცთუ უსაფრთხო ღონისძიებას წარმოადგენდა (მამაკაცთათვის საერთოდ აკრძალული იყო), რადგან დაწყევლილის უდანაშაულობის შემთხვევაში იგი მაწყევარს მიემართებოდა.

ლიტერატურა

Джуртубаев М. Ч. Карачаево-балкарские мифы. Нальчик, 2007.

წყარო

ნუგზარ ანთელავა. კავკასიის ხალხთა მითები და რიტუალები. - გამომცემლობა „უნივერსალი“, - თბილისი2017