ხამაილ ჟულდუზი

ხამაილ ჟულდუზ-ი (ბალყ.-ყარაჩ. Хамаил жулдуз – „ვერძის ვარსკვლავი“ [სამონადირეო ენაზე]) – ბალყარელ-ყარაჩელ მონადირეთა საწესო ცეკვა. თავისი სიმამაცის გამოსაჩენად ახალგაზრდა მონადირე ბნელი ღამით ტყეში მიდიოდა და იქ დილამდე რჩებოდა. ამ დროს უფროსი მონადირეთაგანი მის შეშინებას ცდილობდა. თუ ახალგაზრდა გამოცდას გაუძლებდა, მის სახელზე „ხამაილ ჟულდუზს“ ასრულებდნენ.

ლიტერატურა

Кудаев М. Ч. Карачаево-балкарская этнохореография и символика. Нальчик, 2003.

წყარო

ნუგზარ ანთელავა. კავკასიის ხალხთა მითები და რიტუალები. - გამომცემლობა „უნივერსალი“, - თბილისი2017