დაზიანების საიმედოობა
დაზიანების საიმედოობა - მიზნის (ობიექტის) დაზიანებით გათვალისწინებული შედეგის მიღების ალბათობა.
დაზიანების საიმედოობის მაჩვენებლებია: წერტილოვანი მიზნის – დაზიანების ალბათობა; ჯგუფური მიზნის – გარანტირებული ალბათობა, ე.ი. გარანტირებული (გათვალისწინებულზე არანაკლები) ზარალის მიყენების ალბათობა.
გადასაწყვეტი ამოცანის მასშტაბის შესაბამისად, გარანტირებული ალბათობის მნიშვნელობას იღებენ 0,9–1,0-ის ფარგლებში.
დაზიანების საიმედოობის მაჩვენებლებია აგრეთვე საბრძოლო საშუალებების (რაკეტების, ხომალდების, თვითმფრინავების, ქვემეხების და სხვა) მოზიდვის და იმ საბრძოლო მასალის ხარჯვის ნორმები, რომლებიც დგინდება იარაღის საბრძოლო გამოყენებისა და თეორიული გაანგარიშების გამოცდილების საფუძველზე.
წყარო
ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით. თბილისი, 2017.
