დამენია ზაზა

დამენია ზაზა გრიგოლის ძე - (1972-2004), საქართველოს ეროვნული გმირი (წოდება მიენიჭა 2004 წელს, გარდაცვალების შემდეგ). 1992 წლიდან მსახურობდა საქართველოს შეიარაღებული ძალების სადაზვერვო ბატალიონში, 1993 წლიდან იბრძოდა აფხაზეთში.

დაამთავრა საქართველოს ტექნიკური უნივერსიტეტი (2003). დაიღუპა 2004 წელს ცხინვალში. შეტევის დროს გადაეფარა ხელყუმბარას და თანამებრძოლებს გასასვლელი გზა მისცა.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით. თბილისი, 2017.