გამმიჯნავი ხაზი

გამმიჯნავი ხაზი –

1. ადგილმდებარეობაზე (ზღვაზე) გამავალი პირობითი ხაზი, რომელიც განაცალკევებს მეზობელი გაერთიანებების (შენაერთების, ნაწილების, ხომალდების, ბატალიონების) მოქმედებების ზოლებს (მონაკვეთებს, რაიონებს).

2. კონტროლის განხორციელების მეთოდი, რომელიც გულისხმობს გამმიჯნავი ხაზის გავლებას საბრძოლო მოქმედებების რაიონის საზღვრების დასადგენად. აწესებს ზემდგომი მეთაური (სარდალი), რუკაზე დააქვთ პირობითი ნიშნებით, ხელქვეითებს აცნობენ ამოცანების დასახვისას.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ–მაიორ ელგუჯა მეძმარიაშვილის საერთო რედაქციით. თბილისი, 2017.