აეროფოტოსურათი

პირველი აეროფოტოსურათი 1858, ნადარი

აეროფოტოსურათი - ადგილმდებარეობის ან ობიექტის ფოტოგრაფიული (ნეგატიური ან პოზიტიური) გამოსახულება, რომელიც მიღებულია საფრენი აპარატიდან აეროფოტოგადაღების საშუალებით.

მისი უმთავრესი ტაქტიკური მახასიათებელია მასშტაბი, ანუ გადაღებული ობიექტების მათ რეალურ ზომებთან შედარებით შემცირების ხარისხი.

აეროფოტოსურათი საფრენ აპარატზე დამონტაჟებული სხვა ხელსაწყოებისგან შეიძლება შეიცავდეს დამატებით ინფორმაციას, რომელიც ფიქსირდება კადრშორის მონაკვეთებზე ან კადრის კუთხეში ექსპოზიციის მომენტში (დრო, ფრენის სიმაღლე, სიჩქარე, სივრცობრივი მდებარეობა და ა.შ.).

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით, - თბილისი 2017.